Cyfarfod arbennig iawn i ddod a Christnogion dros Ogledd Cymru at eu gilydd er mwyn dangos cefnogaeth mewn gweddï dros y datblygiadau cyffrous yn Abertawe.

Mae Undeb Bedyddwyr Cymru mewn partneriaeth gyda Cymru Gyfan wedi galw John Derek Rees i arwain eglwys newydd Gymraeg ei iaith yng nghanol dinas Abertawe. Dyma fydd yr eglwys Gymraeg cyntaf i gael ei blannu ers blynyddoedd mawr a’r eglwys Fedyddiedig gyntaf i gael ei phlannu ers canrif!

Anogwn bawb yng ngogledd Cymru i fynychu’r cyfarfod hwn er mwyn gweddïo dros ein cyfaill Derek a dros bawb arall sydd ynghlwm wrth y trefnu.

Trefnwn y cyfarfod hwn gyda’r gred bendant y bydd cefnogaeth weddi dros y gwaith yn cael effaith uniongyrchol ar y gwaith cyffrous hwn.

Bydd cyflwyniadau byr gan gynrychiolydd o Undeb Bedyddwyr Cymru, Cymru Gyfan (Meirion Morris) a Derek ei hun yna cyfle i bawb ymuno mewn defosiwn a gweddi dros y gwaith.

Cynhelir y cyfarfod yn Eglwys Antioch (Cyfeiriad: Capel Salem, Ffordd Abergele, Bae Colwyn, LL29 7PA) am 7yh, Nos Lun, Mai 11.